Արդեն հայտնել էինք, որ օգոստոսի 1-ին ողբերգական դեպք է տեղի ունեցել Շիրակի մարզի Ոսկեհասկ գյուղում։

Պայթյուն-փլուզում էր տեղի ունեցել․ Խաչատրյանների 7 հոգանոց ընտանիքից 5-ն են պայթյունի ժամանակ տանը եղել։ Ընտանիքի անդամներից 2-ը՝ հարսն ու սկեսուրը, վիրավորում են ստացել, 12-ամյա աղջիկը տեղում մահացել է։

Oragir.News-ի թղթակցի փոխանցմամբ` այսօր Ոսկեհասկ գյուղում վերջին հրաժեշտն են տվել պայթյունի հետեւանքով մահացած 12-ամյա Լուսինե Խաչատրյանին։