Հայաստանը մետաղի ջարդոն արտահանող երկրից վերածվել է պատրաստի մետաղական արտադրանքներ թողարկող երկրի. Պապոյան

Հայաստանը մետաղի ջարդոն արտահանող երկրից վերածվել է պատրաստի մետաղական արտադրանքներ թողարկող երկրի. Պապոյան

Հայաստանը մետաղի ջարդոն արտահանող երկրից վերածվել է պատրաստի մետաղական արտադրանքներ թողարկող երկրի. Պապոյան

Կառավարության գործունեության արդյունքում վերջին տարիներին տարբեր գնահատականներով, բայց մինչև 150 միլիոն դոլար ներդրումներ են տեղի ունեցել, և 1,000 նոր աշխատատեղ արդեն իսկ ստեղծված է:

Այս մասին Կառավարության օգոստոսի 7-ի նիստի ժամանակ ասել է Էկոնոմիկայի նախարար Գևորգ Պապոյանը՝ նշելով, որ կարելի է արձանագրել՝ տեղի է ունեցել սև և գունավոր մետաղների տեղական ջարդոնի օգտագործման աճ:

Ըստ նախարարի՝ տարիներ առաջ մետաղի ջարդոնն առանց խոչընդոտի արտահանվում էր Հայաստանից՝ ներառյալ գործարանների սարքավորումներ, հոսքագծեր, տարբեր տեսակի մետաղական նյութեր ու մեքենաների կմախքներ, սակայն Կառավարության միջամտությամբ գործընթացը վերաձևավորվել է։

«Սկզբում ներմուծման վրա սահմանվեց տուրք, ինչը նվազեցրեց հումքի արտահանումը և ստեղծեց խթան՝ այն երկրի ներսում մշակելու համար։ Դրա արդյունքում սկսվեց տեղական հալման պրոցես, անուհետև Կառավարությունը մեկ քայլ էլ առաջ գնաց՝ ջարդոնը վերամշակմամբ դարձնելով մետաղական կիսապատրաստուկների տեսքով: Այդ գործընթացը նաև խթանեց աշխատատեղերի ստեղծմանը՝ տեղական արտադրողներին հնարավորություն տալով զարգանալ։

Նախկինում լայնորեն հավաքագրվող ալյումինը, որը արտահանվում էր հումքի տեսքով, այժմ վերամշակվում է տեղում։

Մենք շարունակում ենք այդ քաղաքականությունը, և փաստացի Կառավարության այս որոշումը այդ քաղաքականության տրամաբանական շարունակության ապահովումն է: Այն է, որ մենք վեց ամիս ժամանակով ըստ էության այդ տուրքն ենք դնում պատրաստի մետաղական արտադրանքների ներմուծման վրա»,- եզրափակել է Գևորգ Պապոյանը:

Loading

Մի մոռացեք կիսվել Ձեր ընկերների հետ

#Հայաստանը #մետաղի #ջարդոն #արտահանող #երկրից #վերածվել #պատրաստի #մետաղական #արտադրանքներ #թողարկող #երկրի #Պապոյան