ՀՀ կառավարությունը կվաճառի «Վիվա Արմենիա»-ում ունեցած բաժնետոմսերը
Կառավարությունը որոշել է թույլատրել վարչապետի աշխատակազմին «Ֆեդիլքո Գրուպ Լիմիթիդ» ընկերության հետ կնքել վաճառքի օպցիոնի պայմանագիր՝ «Վիվա Արմենիա» ՓԲԸ-ի 20% բաժնետոմսերի նկատմամբ։
Դրանք ՀՀ-ին են փոխանցվել որպես նվիրատվություն դեռևս 2024-ի փետրվարին։
Օպցիոնի իրացման դեպքում կառավարությունը կստանա 50 մլն դոլար։ Գործընթացը կիրականացվի «Պետական գույքի մասնավորեցման մասին» օրենքի շրջանակում։
Նախագիծը մշակվել է ՀՀ վարչապետի աշխատակազմի կողմից:
Նշվում է, որ նախագծի ընդունման կապակցությամբ պետական բյուջեում կամ տեղական ինքնակառավարման մարմինների բյուջեներում ծախսերի և եկամուտների էական ավելացում կամ նվազեցում չի նախատեսվում:
Կառավարության հիմնավորման մեջ նշված է, որ նվիրատվությունից մեկուկես տարի անց «Ֆեդիլքո Գրուպ Լիմիթեդ»-ը իր բաժնեմասը հետ գնելու առաջարկ է ներկայացրել։ Գնորդը՝ կիպրական «Ֆեդիլքո Գրուպ Լիմիթեդ» ընկերությունը, համաձայնել է վաճառողին տրամադրել օպցիոն վաճառքի պայմանագիր:
#ՀՀ #կառավարությունը #կվաճառի #Վիվա #Արմենիաում #ունեցած #բաժնետոմսերը