ՀԷՑ ժամանակավոր կառավարիչ Ռոմանոս Պետրոսյանը իր էջում հրապարակել է ՀԷՑ-ի կարիքների համար նախատեսվող գնումների գործընթացների հերթական գնահարցմանը ներգրավվելու ծանուցում:

«Գնման առարկաներ՝ տրանսպորտային միջոցների համար անհրաժեշտ՝

շարժիչի յուղեր,

հիդրավլիկ յուղեր եւ քսայուղեր,

հակասառեցման հեղուկ,

անվադողեր եւ մարտկոցներ:

«Հայաստանի էլեկտրական ցանցեր» ՓԲԸ կողմից տրանսպորտային միջոցների համար անհրաժեշտ շարժիչի, հիդրավլիկ յուղերի և քսայուղերի, հակասառեցման հեղուկի, անվադողերի և մարտկոցների ձեռքբերման նպատակով շուկայի նախնական ուսումնասիրություն կատարելու վերաբերյալ

«Հայաստանի էլեկտրական ցանցեր» ՓԲ ընկերությունը իր բնականոն գործունեությունը ապահովելու և ստանձնած պարտավորությունները կատարելու նպատակով նախատեսում է կազմակերպել գնման բաց մրցութային գործընթաց տրանսպորտային միջոցների համար անհրաժեշտ շարժիչի, հիդրավլիկ յուղերի և քսայուղերի, հակասառեցման հեղուկի, անվադողերի և մարտկոցների ձեռքբերման համար:

Ընկերության կողմից նախաձեռնվող մրցութային գործընթացի օբյեկտիվությունը, ներառականությունը և թափանցիկությունը ապահովելու նպատակով նախատեսվում է իրականացնել շուկայի նախնական ուսումնասիրություն, կատարել գնահարցումներ և ոլորտի հնարավոր լայն շրջանակի տնտեսվարող սուբյեկտներից ստանալ գնառաջարկներ:

Գնահարցումներ կատարելու նպատակով Ընկերությունը առաջարկում է մասնակցության ցանկություն կամ հետաքրքրվածություն դրսևորող իրավաբանական անձանց և անհատ ձեռնարկատերերին մինչև սույն թվականի օգոստոսի 12-ը ներառյալ ստորև նշված էլեկտրոնային փոստի հասցեով ներկայացնել կազմակերպության կամ անհատ ձեռնարկատիրոջ անվանումը, կոնտակտային հեռախոսահամարը և էլեկտրոնային փոստի հասցեն:

Սահմանված ժամկետի ավարտից հետո գնահարցման հետագա գործընթացը ապահովելու նպատակով Ընկերության ներկայացուցիչը կապ կհաստատի բոլոր այն տնտեսվարող սուբյեկտների հետ, որոնք շահագրգռված են մասնակցելու ծանուցմամբ նշված գործընթացին:

Հասցեն՝ Ա. Արմենակյան 127

Էլ. փոստ: Asilyan_MS@ena.am

Հեռ.՝ 011-59-13-73

ընկերության ներկայացուցիչ՝ Մերի Ասիլյան»,- գրել է Պետրոսյանը: