«Շուտով Վարդան Ղուկասյանն ուղիղ եթերում կպատասխանի բոլոր հարցերին»․ ԴՕԿ

ԴՕԿ կուսակցության լրատվականը ֆեյսբուքյան էջում հայտնում է․ «Հարգելի՛ հետևորդներ, վերջին շրջանում որոշ մարդիկ փորձում են շահարկել Վարդան Ղուկասյանի անունը՝ պառակտելով ԴՕԿ կուսակցությունը և վարկաբեկելով նրա նախագահին։ Նրանք հատել են բոլոր սահմանները՝ առաջնորդվելով անձնական շահերով։
     Հստակ նշում ենք՝ Վարդան Ղուկասյանն ամեն ինչից տեղյակ է, և առանց նրա հետ խորհրդակցելու մենք որևէ որոշում չենք կայացնում։ Մեր բոլոր քայլերը համաձայնեցված են նրա հետ, և շուտով նա ուղիղ եթերում կպատասխանի բոլոր հարցերին։ Մենք էլ կբացենք բոլոր փակագծերը, որպեսզի վերջնականապես պարզ դառնա իրականությունը։
     Նրանք, ովքեր շարունակում են ապատեղեկատվություն տարածել կամ դիտավորյալ անտեսում են այս ուղերձը, պետք է գիտակցեն՝ նրանց փորձերը դատապարտված են ձախողման։ Իսկ նրանք, ովքեր չեն ցանկանում հետևել մեր էջին, ազատ են հեռանալու. մենք ոչ ոքի չենք ստիպում։
     Մնաց ընդամենը երկու օր։ Մի՛ տրվեք սադրանքներին, սպասեք իրական փաստերին»։