2025 թվականի մարտի 19-ին հեռախոսազրույց է տեղի ունեցել Ադրբեջանի արտգործնախարար Ջեյհուն Բայրամովի և Մեծ Բրիտանիայի արտաքին գործերի պետքարտուղար Դեյվիդ Լամիի միջև։ Հեռախոսազրույցի ընթացքում քննարկվել են տարածաշրջանային ներկա իրավիճակը, ինչպես նաև Ադրբեջանի և Հայաստանի միջև խաղաղության հաստատման գործընթացի ներկա վիճակը։

Բայրամովն ընդգծել է, որ չնայած խաղաղության համաձայնագրի տեքստի շուրջ բանակցությունների ավարտին, համաձայնագիրը ստորագրելու համար անհրաժեշտ է համապատասխան փոփոխություններ կատարել Հայաստանի Սահմանադրության մեջ՝ Ադրբեջանի նկատմամբ տարածքային պահանջները վերացնելու համար։

Միաժամանակ նշվել է ԵԱՀԿ Մինսկի խմբի և այլ համապատասխան կառույցների վերացման կարևորությունը։

print
Տպել