Օրերս հայտնել էինք, որ տելեգրամյան ալիքներում նոր ձայնագրություն է տարածվել, որում կարծես թե երկու անձինք քննարկում են հանրահավաք գնալու համար սնունդով ապահովելու հարցեր:
Ըստ խոսակցության՝ այն ներառել է 2 կարկանդակ (պերաշկի) և մեկ շիշ Կոկա-Կոլա կամ ջուր: Ձայնագրության մեջ անձերից մեկը դժգոհում էր, որ կարկանդակի (պերաշկի) փոխարեն կարելի էր հոթ-դոգ տալ:
Ձայնագրության մեջ նաև ասվում էր, որ 3000 դրամ են տալու (հավանաբար յուրաքանչյուր անձին):
Ըստ հրապարակումների՝ ձայնագրությունում Սամվել Կարապետյանի համար կազմակերպվող հանրահավաքներին տանելու մասին էր խոսքը:
«Հայկական ժամանակ»-ի հետ զրույցում ՆԳՆ-ից հայտնել էին, որ քրեական ոստիկանության ծառայողները հավաք անցկացնելուն կամ դրան մասնակցելուն հարկադրելու, ինչպես նաև հավաքին մասնակցելու նպատակով նյութապես շահագրգռելու կասկածանքով ձերբակալել էին մեկ անձի։ Ձերբակալվածն ու կազմված փաստաթղթերը ներկայացվել էին Քննչական կոմիտե։
«Հայկական ժամանակ»-ի տեղեկություններով՝ մյուս անձին՝ Վրույր Այվազյանին, իրավապահները որոնում էին: Մեզ հասած տեղեկություններով՝ նրան արդեն հայտնաբերել են և ձերբակալել:
Վրույր Այվազյանը եղել է «Ապրելու երկիր» կուսակցության անդամ, այժմ «Ուժեղ Հայաստան» կուսակցության ցուցակում է ներառված:
#Կոլապերաշկի #գործով #ձերբակալվել #Վրույր #Այվազյանը #ձայնագրություն #էր #հրապարակվել #տեսանյութ
