Պենտագոնի ղեկավար Փիթ Հեգսեթը հայտարարել է, որ Իրանի միջուկային օբյեկտների վրա հարձակման ժամանակ ԱՄՆ-ն օգտագործել է B-2 Spirit ռմբակոծիչներ և GBU-57 E/B Massive Ordnance Penetrator (MOP) հակաբունկերային ռումբը, որը հայտնի է որպես «բոլոր ռումբերի մայր»։

«Սա պատմական հարված էր, որի ընթացքում B-2 Spirit ռմբակոծիչները կատարել են 2001 թվականից ի վեր իրենց ամենաերկարատև առաքելությունը և առաջին անգամ մարտական պայմաններում կիրառել են MOP-ը», – հայտնել է նա։

Ըստ նրա, Միացյալ Նահանգները կիրառել է «երկու դյուժինից ավելի թևավոր հրթիռ»՝ Սպահանի օբյեկտին հարվածելու համար։ Նա նաև նշել է, որ Վաշինգտոնն ընդհանուր առմամբ 75 բարձր ճշգրտության զինամթերք է օգտագործել Իրանին հարվածներ հասցնելու համար։

Հեգսեթն ընդգծել է, որ Իրանին ԱՄՆ-ի հասցրած հարվածները պատրաստվել են շաբաթներ շարունակ՝ բարձր գաղտնիության պայմաններում։