Ազգային ժողովի «Քաղաքացիական պայմանագիր» խմբակցության պատգամավոր, ՔՊ վարչության անդամ Արուսյակ Մանավազյանը դատի է տվել «Իմնեմնիմի» փոդքասթի համահեղինակ Վազգեն Սաղաթելյանին։

Տեղեկությունը «Հայկական ժամանակ»-ի հետ զրույցում հաստատել է ինքը՝ Մանավազյանը:

Վերջինս հավելել է, որ պահանջում է հերքում իր մասին AntFake.am կայքում հրապարակված մի տեսանյութի հետ կապված։

Պահանջում ասվում է. «Հերքում․ Արուսյակ Մանավազյանին զրպարտող տեղեկատվության վերաբերյալ խորագրի ներքո՝ տեսանյութ տարածելու միջոցով։ Հերքումը պահպանել առանց ժամկետի սահմանափակման, իսկ պատասխանող Վազգեն Սաղաթելյանից հօգուտ Մանավազյանի բռնագանձել 1 մլն դրամ՝ որպես զրպարտության դիմաց փոխհատուցման գումար»: