Օգոստոսի 7-ի առավոտյան Արեգակի վրա տեղի է ունեցել ևս մեկ M դասի բռնկում, հայտնել են ՌԳԱ Տիեզերական հետազոտությունների ինստիտուտի Արեգակնային աստղագիտության լաբորատորիայից։

Օգոստոսի 3-ից սկսած՝ մեկուկես ամսվա հանգստությունից հետո Արեգակի վրա արդեն մի քանի M դասի բռնկումներ են տեղի ունեցել։ Դրանցից ամենահզորը M4.4 մակարդակի բռնկումն էր, որը տեղի էր ունեցել օգոստոսի 5-ին։

Նշենք, որ արեգակնային բռնկումները, կախված ռենտգենյան ճառագայթման հզորությունից, բաժանվում են հինգ դասերի՝ A, B, C, M և X:

Նվազագույն A0.0 դասը համապատասխանում է Երկրի ուղեծրում 10 նանովատ/քմ ճառագայթման հզորությանը: Հաջորդ տառին անցնելիս հզորությունը մեծանում է 10 անգամ:

Բռնկումները կարող են ուղեկցվել արեգակնային պլազմայի արտանետումներով, որոնց ամպերը, հասնելով Երկիր, կարող են առաջացնել մագնիսական փոթորիկներ: