Լավ լուր՝ անհուսալի վարկ ունեցողների համար․ մինչև 2026 թվականի դեկտեմբերի 31-ը ․․․

Անհուսալի վարկեր ունեցող անձանց աջակցության ծրագրի շրջանակում դիմումներ ներկայացնելու ժամկետը երկարացվել է մինչև 2026 թվականի դեկտեմբերի 31-ը։ Կառավարության այսօրվա նիստում հաստատվել է Աշխատանքի և սոցիալական հարցերի նախարարության կողմից ներկայացված որոշման նախագիծը։ Այս մասին հայտնում են Աշխատանքի և սոցիալական հարցերի նախարարությունից:

Միաժամանակ, ծրագրից օգտվելու հնարավորություն է տրվում նաև Արդարադատության նախարարության քրեակատարողական ծառայությունում աշխատող անձանց։ Սահմանվում է բացառություն այն դեպքերի համար, երբ 3 ամիս անընդմեջ եկամտային հարկ չհաշվարկվելու կամ այդ ժամանակահատվածում յուրաքանչյուր ամիս 18,750 դրամից պակաս եկամտային հարկ հաշվարկվելու դեպքում շահառուի աջակցության տրամադրումը դադարեցվել է․ այս դեպքում շահառուին ևս մեկ անգամ հնարավորություն է տրվում դիմում ներկայացնել ծրագրում ընդգրկվելու համար։2025թ. դեկտեմբերի 31-ի դրությամբ ծրագրից ընդհանուր առմամբ օգտվել է 8006 անձ, որոնցից 1560-ի վարկերն ամբողջությամբ մարվել են․ շահառուներից 2063-ը կամ 26%-ը միջոցառմանը նախորդող ամիսներին չեն ունեցել ֆորմալ զբաղվածություն։ 2025 թ․ դեկտեմբեր ամիսը ներառյալ շահառուների աշխատավարձից առաջացած եկամտային հարկից վարկերի մարման աջակցությանն է ուղղվել 1,3 մլրդ դրամ։

Кредит

#Լավ #լուր #անհուսալի #վարկ #ունեցողների #համար #մինչև #թվականի #դեկտեմբերի #31ը