Ռուսաստանում մարտի 1-ից կավելանան այն քաղաքացիների կենսաթոշակները, որոնք փետրվարին դարձել են 80 տարեկան։ Այս մասին «Լենտա.ռու»-ին հայտնել է Պետդումայի աշխատանքի և սոցիալական քաղաքականության հանձնաժողովի անդամ Սվետլանա Բեսարաբը։

Նրա խոսքով՝ ընդհանուր բարձրացումներ մարտի 1-ից նախատեսված չեն, սակայն 80 տարին լրացած անձանց համար ավտոմատ կերպով կրկնապատկվում է ֆիքսված վճարը՝ առանց առանձին դիմում ներկայացնելու անհրաժեշտության։

Բեսարաբը հիշեցրել է, որ հունվարի 1-ից իրականացվել է ապահովագրական կենսաթոշակների ինդեքսավորում՝ ընդգրկելով շուրջ 38 միլիոն շահառուի, իսկ փետրվարի 1-ից 5.6 տոկոսով բարձրացվել են ավելի քան 40 սոցիալական վճարներ։ Ապրիլի 1-ից նախատեսվում է նաև սոցիալական կենսաթոշակների 6.8 տոկոս աճ՝ մոտ 4.5 միլիոն քաղաքացիների համար։

https://lurer.com/article/714469/am?fbclid=IwdGRzaAQGtbFjbGNrBAa1pWV4dG4DYWVtAjExAHNydGMGYXBwX2lkDDM1MDY4NTUzMTcyOAABHjSNE8YhwzX1SxyX877oHOTbmECjSmbKFBTMYzhowVUkrq-joNLznfrmn6DE_aem_unC3i1sEAPc2L26qBgZmAg&sfnsn=mo