Օտորինոլարինգոլոգ, ֆոնիատր Դարյա Խարինան («Гута Клиник») Lenta.ru-ի հետ զրույցում նշել է, որ խռմփոցը կարող է հանգեցնել մի շարք առողջական խնդիրների։

Բժշկի խոսքով՝ խռմփոցը խանթարում է քնի որակը․ մարդը կարող է քնել 7-8 ժամ, սակայն լիարժեք չհանգստանալ:

Խարինան առանձնապես վտանգավոր է համարել քնի ապնոէն՝ քնի ընթացքում շնչառության կարճատև կանգերը, որոնք հանգեցնում են օրգանիզմի թթվածնային քաղցի։

Նրա խոսքով՝ ապնոէի հետևանքով կարող են առաջանալ ցերեկային քնկոտություն, թուլության զգացում, դյուրագրգռություն, ուշադրության կենտրոնացման նվազում և նույնիսկ հիշողության խնդիրներ։

Բժիշկը պարզաբանել է, որ որքան երկար է շնչառությունը պահելու ժամանակահատվածը, այնքան մեծ է առողջության համար ռիսկը։ Նա բացատրել է, որ երկարատև ապնոէն մեծացնում է ճարպակալման, հիպերտոնիայի, սրտի կաթվածի և ինսուլտի ռիսկը։ Ավելին, շնչառությունը պահելու գործընթացը անմիջական սպառնալիք է ներկայացնում կյանքի համար և մեծացնում է հանկարծակի մահվան ռիսկը։