Արդեն մի քանի ժամ է՝ SHAMSHYAN.com-ը բազմաթիվ հեռախոսազանգեր է ստանում Կոտայքի մարզի Բյուրեղավան քաղաքի բնակիչներից, որոնք հայտնում են առողջական խնդիրների մասին և հորդորում ուշադրություն դարձնել ստեղծված իրավիճակին։
Բնակիչների խոսքով՝ վերջին օրերին քաղաքում մի շարք մարդիկ դիմել են շտապօգնության ծառայությանը՝ գանգատվելով սրտխառնոցից, փորլուծությունից, փսխումից և ջերմության բարձրացումից։
Ինչպես տեղից հայտնում է ֆոտոլրագրող Գագիկ Շամշյանը, թունավորման նման դեպքեր են գրանցվել Վարդանյան փողոցում գտնվող մի քանի շենքերի բնակիչների մոտ։ Տուժածները դիմել են Բյուրեղավանում գործող Անդրանիկ Պետրոսյանի անվան պոլիկլինիկա, իսկ մի մասը՝ նաև «Աբովյան» բժշկական կենտրոն։
Past.am-ին տեղեկացրին,որ նրանց մոտ առաջացած ախտանիշները, ամենայն հավանականությամբ, կապված են ջրի հետ, քանի որ, ինչպես նշում են նրանք, չեն օգտագործել կասկածելի սնունդ և չեն արձանագրել գազի արտահոսք բնակարաններում։
Առողջական խնդիրների պատճառները դեռևս հստակեցվում են, իսկ համապատասխան մարմինները պետք է պարզեն՝ արդյոք իրոք խոսքը հնարավոր ջրային թունավորման մասին է։
#Խուճապահար #վիճակ #բնակիչները #զանգվածաբար #դիմում #են #շտապօգնություն