Նոր տարվա ֆիլմը, որ իրենք նկարահանել էին, կար ինձ առաջարկ, որ ես կարդայի ձայն, տեքստը նայելուց հետո հասկացա, որ ինձ սազական չէ, ոնց որ ձեռք առնես այն ամենն ինչը 15 տարի ստեղծել ես՝ «Երգ երգոցը» նկատի ունեմ, և իմ պայմանագրի մեջ չկա կետ, որ ինչ-որ բան պետք է անեմ, ես ընդամենը ծառայություններ մատուցող եմ, այս մասին Tete A Tete հաղորդման ժամանակ հայտարարել է Խորեն Լևոնյանը՝ խոսելով Հանրային հեռուստաընկերությունից հեռանալու մասին։

«Տարբեր պրոդյուսերներ են կապվել ինձ հետ, որ տեքստը կարդամ, ես ասացի՝ խնդիր չկա, մի երկու բան խմբագրենք, որովհետև նկատեցի միտում՝ կարծես ձեռք առնեն իմ հայերեն խոսքը, և գուսանների, աշուղների տարիների աշխատանքը, ես ասացի՝ խմբագրեք այս ամենը, և ես կկարդամ, ասացին՝ չէ, չի լինի, նորից ասացի խմբագրեք։

Երբ նկարահանումներին մի երկու օր էր մնացել, զանգեցի պարզաբանելու՝ կա՞ նկարահանում, ասացին՝ չէ, ժողով է եղել, որտեղ քննարկել են ինձ, ասել են՝ այս բանը չի արել մեզ համար և որոշել են իմ թեկնածությունը դնեն հեռացման համար»,-ասել է Լևոնյանը։