Նույնիսկ սրտի կանգ․ բժիշկը զգուշացրել է միզամուղ միջոցների անվերահսկելի օգտագործման վտանգների մասին

Միզամուղները չպետք է ընդունվեն առանց հսկողության, քանի որ դա կարող է առաջացնել առիթմիա և սրտի կանգ: Այս մասին «Մոսկվա 24»-ին ասել է թերապեւտ Նադեժդա Չերնիշովան։

Նա պարզաբանել է, որ բժիշկները դրանք նշանակում են առողջական տարբեր խնդիրներ ունեցող հիվանդներին, ինչպիսիք են սրտի հիվանդությունները։ Նրանք կարող են հեռացնել ավելորդ հեղուկը մարմնից և պայքարել այտուցների դեմ: Այնուամենայնիվ, ինքնուրույն դեղեր ընդունելու որոշումը՝ առանց մասնագետի հետ խորհրդակցելու, կարող է վնասակար լինել առողջության համար։

«Մարդը չի կարող իրեն միզամուղ դեղեր նշանակել և ընդունել առանց հսկողության։ Դեղերը առաջացնում են միզարձակման ավելացում, ինչի արդյունքում օրգանիզմից շատ կալիում և նատրիում է արտազատվում, ինչը կարող է հանգեցնել առիթմիայի և նույնիսկ սրտի կանգի»,- զգուշացրել է Չերնիշովան։